मौ.बाभळगांव ता लातूर येथे राज्‍यातील पहिले महा ई सेवा केंद्र चालु करण्‍यात आले आहे. ग्रामीण व शहरी भागातील नारिकांनापर्यंत शासकीय, निमशासकीय व खाजगी सेवा पोहोचविण्‍यासाठी प्रत्‍येक चार गांवाकरिता एक या प्रमाणात माह ई सेवा केंद्र स्‍थापित करण्‍यात येत आहेत. लतूर जिल्‍हयात एकुण 269 महा ई सेवा केंद्र स्‍थापित करण्‍यात येणार आहेत. ग्रामीण भागातील जास्‍तीत जास्‍त ग्रामीण भागापर्यंत शासकीय सेवा जलद गतीने पोहचविता यावी म्‍हणुन जिलहा प्रशासनाने प्रत्‍येक तलाठी सज्‍जानिहाय महा सेवा केंद्र स्‍थापित करण्‍याचा निर्णय घेतलेला आहे म्‍हणुन सध्‍या जिल्‍हात 317 महा ई सेवा केंद्र स्‍थापित करावयाची आहेत. सदरील महा ई सेवा केंद्राचे शासनाच्‍या वतीने केंद्र प्रमुख म्‍हणुन तलाठी यांची नियुक्‍ती करण्‍यात आलेली आहे. महा ई सेवा केंद्रास प्रत्‍येक आठवडयाच्‍या दर मंगळवारी व शुक्रवारी संबंधित सज्‍जाच्‍या तलाठी यांनी महा ई सेवा केंद्रास भेट देवून त्‍यांच्‍याशी अनुषंगिक नियमानुसार आवश्‍यक ती कामे करण्‍याबाबत आदेश निर्गमित करण्‍यात आलेली आहे.
महा ई सेवा केंद्रामार्फत सर्व सेवा जनतेला विनासायास व कमी श्रमात खाजगी संस्‍थेमार्फत उपलब्‍ध करून देण्‍याची सदरची योजना आहे. लातूर जिल्‍हयासाठी मे.सीएमएस कॉम्‍प्‍युटर्स या संस्‍थेची महा ई सेवा केंद्र स्‍थापित करण्‍यासाठी व केंद्रास आवश्‍यक ती प्रणाली विकसीत करून देण्‍यासाठी शासनाकडून निवड करण्‍यात आलेली आहे.

http://www.csconline.co.in